Heidi Knutsen
Seniorrådgiver
-
Divisjon for kart og statistikk
(+47) 907 64 531 heidi.knutsen@nibio.no Kontorsted: Bergen - Sentrum
NIBIO Bergen er lokalisert til Statens hus i sentrum av byen. Den sentrale plasseringa gir fleire fordelar, mellom anna nærleik til fleire forskingsinstitusjonar. I tillegg er kontoret sentralt plassert i høve til kollektivtransport; tog, buss og bybane.
Arbeidsområde
Hovudarbeidsområda for medarbeidarane ved kontoret i Bergen er knytt til samfunnsvitskapleg forsking og utgreiing med fokus på landbruk og samfunn. Medarbeidarane er tilknytt tre avdelingar; Driftsøkonomisk analyse og Landbruksøkonomisk analyse i Divisjon for kart og statistikk, og Økonomi og samfunn i Divisjon for matproduksjon og samfunn.
Driftsgranskingane i jord- og skogbruk er eit nasjonalt forvaltingsoppdrag som vert utført for Landbruks- og matdepartementet. Driftsgranskingane viser status og utvikling for økonomien i landbruket og får fram verknadene av politikk og rammevilkår, og er såleis eit viktig verktøy for forvaltinga. Analysar av granskingsmaterialet gir også grunnlag for rådgjeving, forsking og undervisning. Fleire av kontora til NIBIO er involverte i arbeidet med driftsgranskingane, kontoret i Bergen har ansvaret for Sør- og Vestlandet. I tillegg ligg det nasjonale ansvaret for gjennomføring av granskinga ved kontoret.
Ved NIBIO Bergen vert det også arbeidd med fleire prosjekt innan hagebruksøkonomi, særleg frukt og bær, økologisk landbruk, driftsøkonomi i landbruket, landbruksbasert reiseliv, verdiskapingsanalysar mm. Fleire av prosjekta er knytt til Sør- og Vestlandet, men det vert også arbeidd med nasjonale og internasjonale prosjekt.
Nettverk og samarbeid
Kontoret har eit omfattande samarbeid med andre forskarar i NIBIO, særleg har det vore mykje samarbeid med NIBIO Ullensvang og NIBIO Fureneset. Fylkesmennene på Vestlandet er viktige samarbeidspartnarar saman med dei lokale bondeorganisasjonane på Vestlandet.